రాష్ట్ర స్థాయి యోగా పోటీలకు కిన్నెరసాని గురుకుల విద్యార్థులు

రాష్ట్ర స్థాయి యోగా పోటీలకు భద్రాద్రి కొత్తగూడెం జిల్లాకు చెందిన కిన్నెరసాని గురుకుల విద్యార్థులు ఎంపికయ్యారు. భద్రాద్రి కొత్తగూడెం - ఖమ్మం జిల్లాల స్థాయిలో నిర్వహించిన యోగా సెలక్షన్ పోటీల్లో కిన్నెరసాని గిరిజన గురుకుల పాఠశాల (బాయ్స్) కు చెందిన విద్యార్థులు యు. పార్థు, ఎం. దిలీప్ అత్యుత్తమ ప్రతిభను ప్రదర్శించి అండర్ -17 వయో విభాగంలో రాష్ట్ర స్థాయి యోగా పోటీలకు అర్హత సాధించారు. విద్యార్ధులు అర్హత సాధించడం పట్ల పాఠశాల ప్రిన్సిపాల్ ఎస్. శ్యామ్ కుమార్, వైస్ ప్రిన్సిపాల్ శ్రీమతి తిరుపతి, పి.ఇ.టి రాకేష్, పి.డి నాగార్జున, ఉపాధ్యాయ బృందం, తోటి విద్యార్ధులు హర్షం వ్యక్తం చేశారు. విద్యార్ధులను అభినందించి, కరీంనగర్లో ఈ నెల 13,14,15 తేదీల్లో జరిగే రాష్ట్ర స్థాయి పోటీల్లో విజయం సాధించాలని ఆకాంక్షించారు.