ఆ పదవి బట్టికే ... దక్కే అవకాశమెంత ?

Anand Gantela |


పార్లమెంట్ ఎన్నికల ఫలితాల అనంతరం టి.‌పి.‌సి.‌సి నూతన అధ్యక్షుణ్ణి నియమించే అవకాశంవుంది. పార్టీ అధిష్టానం ఇప్పటికే ఈ పదవిని  ఎవరికిస్తే బాగుంటుందన్న దానిపై కసరత్తు చేస్తున్నట్లు పార్టీ వర్గాల్లో చర్చ జరుగుతోంది. ప్రస్తుతం పి‌సి‌సి అధ్యక్షుడిగా వున్న సి‌ఎం రేవంత్ రెడ్డి ఇక పాలనపై పూర్తి స్థాయిలో ధృష్టి పెట్టేందుకు వీలుగా వెంటనే కొత్త చీఫ్ ను నియమించాలన్న ఆలోచనలో పార్టీ పెద్దలున్నారు. అయితే ... రేవంత్ రెడ్డికి సహకరిస్తూ పార్టీని సమర్ధవంతంగా నడపగలిగే వారి కోసం వెదుకుతున్నారు. రాష్ట్రంలో కాంగ్రెస్ పార్టీ అధికారంలో వుండటంతో ... ఈ పదవి కోసం అరడజను మంది పోటీ పడుతున్నారు. ప్రధానంగా  ప్రస్తుత డిప్యూటీ సీ‌ఎంగా వున్న మల్లు బట్టి విక్రమార్క ఈ పదవిని తనకు ఇవ్వాలని చాలా కాలంగా అడుగుతున్నట్లు ప్రచారం జరుగుతోంది. ఒక్కడికే జోడు పదవులు ఇచ్చే అవకాశం లేదని కొందరు అంటుంటే ... కర్నాటక డిప్యూటీ సీ‌ఎంగా వున్న డీకే శివ కుమార్ ఆ రాష్ట్ర పి‌సి‌సి అధ్యక్షుడిగా కూడా వ్యవహరిస్తున్నారు. ఇదే తరహాలో ... తెలంగాణలో కూడా డిప్యూటీ సీఎం బట్టికే పార్టీ పగ్గాలు అప్పగించే అవకాశముందని మరికొందరంటున్నారు.

కానీ ... పార్టీలో ... నామినేటెడ్ పోస్టుల భర్తీలో ... పార్లమెంట్ అభ్యర్ధుల ఎంపికలో ఇక్కడ బీసీలు, ముస్లింలు, మాదిగ సామాజిక వర్గాలకు సరైన ప్రాతినిధ్యం దొరక లేదని ఆయా వర్గాలు అసంతృప్తితో వున్నాయి. ఈ పదవినైనా తమకు ఇవ్వాలని ఆ వర్గాల పార్టీ నేతలు పట్టుబడుతున్నారు. బీసీ నేతలు ... టి‌పి‌సి‌సి వర్కింగ్ ప్రెసిడెంట్, ఎం‌ఎల్‌సి మహేశ్ కుమార్ గౌడ్, మాజీ ఎం‌పి మధుయాష్కి గౌడ్ ఈ రేసులో వున్నారు. ఏ.ఐ. సి.‌సి కార్యదర్శి సంపత్ కుమార్ కూడా ఈ పదవి తనకు వస్తుందన్న నమ్మకంతో వున్నారు. సంపత్ కుమార్ మొన్న నాగర్ కర్నూల్ పార్లమెంట్ టిక్కెట్ అడిగినప్పటికీ ఇవ్వలేదు. దీంతో మాదిగ సామాజిక వర్గాన్ని పార్టీ నిర్లక్ష్యం చేస్తోందన్న ప్రచారం జరిగింది. అందువల్ల ఎస్సీల్లో అధిక సంఖ్యాకులైన మాదిగ సామాజిక వర్గానికి చెందిన సంపత్ కుమార్ ను పి‌సి‌సి చీఫ్ గా ఎంపిక చేసే అవకాశం వుందంటున్నారు. ఇదిలా వుండగా ... పి‌సి‌సి మరో వర్కింగ్ ప్రెసిడెంట్ జగ్గా రెడ్డి, ఎం‌ఎల్‌ఏ కోమటి రెడ్డి రాజా గోపాల్ రెడ్డి ఈ పదవిని ఆశిస్తున్నారు. అయితే ... రెడ్డి సామాజిక వర్గానికి చెందిన రేవంత్ రెడ్డి సి‌ఎంగా వుండటం వల్ల అదే సామాజిక వర్గానికి చెందిన వారిని పి.‌సి.‌సి చీఫ్ గా నియమించే అవకాశం లేదంటున్నారు. బట్టి, మహేశ్ కుమార్ గౌడ్, సంపత్ కుమార్ల మధ్యే పోటీ వున్నట్లు తెలుస్తోంది. మరి కర్ణాటక లాగా డిప్యూటీ సి‌ఎం బట్టికే పార్టీ పగ్గాలు అప్పగిస్తారో  ? మరో బీసీనో … ఎఎస్సీనో నియమిస్తారో చూడాలి.   

Comments

Post a Comment

Popular posts from this blog

దాడి చేసింది వాళ్ళే ... మేం కాదు ... ఖమ్మం జిల్లా అటవీ అధికారి సిద్దార్థ్ విక్రమ్ సింగ్

Anand Gantela |
Image
అటవీ భూముల ఆక్రమణ , అధికార్లు , సిబ్బందిపై దాడులు , వాటిపై తప్పుడు వార్తలను సహించేది లేదని , చట్ట ప్రకారం కఠిన చర్యలు తీసుకుంటామని ఖమ్మం జిల్లా అటవీ అధికారి సిద్దార్థ్ విక్రమ్ సింగ్ ఆదివారం ఒక ప్రకటనలో హెచ్చరించారు. జిల్లాలో ఈ నెల 16న అటవీ అధికారులు , సిబ్బందిపై దాడి జరిగితే , కొన్ని పత్రికల్లో గిరిజనులపై అటవీ అధికారులు దాడి చేసినట్లు ప్రచురించడం పూర్తిగా అవాస్తవమని పేర్కొన్నారు. ఇటువంటి నకిలీ వార్తలను ఉపేక్షించబోమని స్పష్టం చేశారు. దాడికి గురైన అధికారి డి. చక్రవర్తి గిరిజన కమ్యూనిటీకి చెందిన వారని వెల్లడించారు. ఘటనలో మహిళలు కొద్ది మంది మాత్రమే వున్నారని , గిరిజనేతరులే ఎక్కువ మంది వున్నారని తెలిపారు. ఆయన ఈ సందర్భంగా దాడికి సంబంధించిన ఫోటోలను విడుదల చేశారు. ఆ రోజు అటవీ ఆక్రమణల నిరోధానికి తాళ్లగూడెం మహిళా ఫారెస్ట్ సెక్షన్ అధికారి డి. శిల్ప , బీఆర్. పురం ఫారెస్ట్ సెక్షన్ అధికారి డి. చక్రవర్తి చీమలపాడు రిజర్వ్ ఫారెస్ట్ లోకి వెళ్లగా ఆక్రమణ దారులు కారం పొడి కళ్ళలో చల్లుతూ , రాళ్లు రువ్వుతూ , తిడుతూ అధికారులపై దాడికి పాల్పడ్డారని ఆరోపించారు. ఈ ఘటనలో అటవీ అధికారులు , సిబ్బందిపై దాడి చేసిన16 ...
Read more

అది రాములోరి భూమి కాదు ... గ్రామ కంఠానిది

Anand Gantela |
Image
పురుషోత్తం పట్నం భూ వివాదంపై గ్రామస్తుల వివరణ ఇల్లు నిర్మిస్తున్న స్థలం గ్రామ కంఠానిదని వెల్లడి ఈఓ రమాదేవి స్పృహ కోల్పోవడం నాటకమని ఆరోపణ భద్రాచలం రామాలయ అధికార్లు చెబుతున్నట్లు పురుషోత్తం పట్నంలో ఇల్లు కడుతోంది రాములోరి భూమిలో కాదని , ఆ స్థలం గ్రామ కంఠానిదని గ్రామస్తులంటున్నారు. బుధవారం స్థానిక ఎంపీటీసీ వెంకటరామి రెడ్డి ఆధ్వర్యంలో గ్రామస్తులు ప్రెస్ మీట్ ఏర్పాటు చేశారు. ఈ సందర్భంగా వారు మాట్లాడుతూ ప్రస్తుతం వివాదాస్పదమైన ఇంటిని 40 సంవత్సరాల క్రితమే నిర్మించారన్నారని చెప్పారు. రెండు సంవత్సరాల క్రితం అగ్నిప్రమాదంలో ఆ ఇల్లు కాలి పోయిందని , ఇప్పుడు అదే స్థలంలో ఇంటి నిర్మాణం చేపడుతుంటే రామాలయం అధికారులు అడ్డుకుంటున్నారని ఆరోపించారు. పురుషోత్తం పట్నం గ్రామం ఏర్పడి 80 సంవత్సరాలవుతుందని , రామాలయం అధికారులు అభ్యంతరం చెబుతున్న ఇల్లు పురుషోత్తం పట్నం గ్రామ కంఠంలొ ఉందని పేర్కొన్నారు. ఆ ఇంటికి గ్రామ పంచాయతీ అనుమతి కూడా ఉందని తెలిపారు. మంగళవారం చోటు చేసుకున్న వివాదంలో , ముందుగా నిర్మాణంలో ఉన్న ఇంటి యజమాని పుల్లమ్మను భద్రాచలం ఆలయ ఈఓ రమాదేవి వెంట వచ్చిన వాళ్ళు బలవంతంగా లాగి కింద పడేసారని చెప్పారు....
Read more

నేను కొత్తగూడెంలో పోటీ చేయాలని మీకూ వుంది ... నాకూ వుంది ... కానీ ... అంటూ పొంగులేటి సంచలన వ్యాఖ్యలు

Anand Gantela |
Image
గత అసెంబ్లీ ఎన్నికల్లో తాను కొత్తగూడెం నియోజక వర్గం నుండి పోటీ చేయక పోవడంపై రాష్ట్ర రెవెన్యూ శాఖా మంత్రి పొంగులేటి శ్రీనివాస్ రెడ్డి సంచలన వ్యాఖ్యలు చేశారు. శుక్రవారం కొత్తగూడెంలో జరిగిన స్థానిక సంస్థల ఎన్నికల సన్నాహక సమావేశంలో ఆయన మాట్లాడుతూ దీనిపై సుధీర్ఘమైన వివరణ ఇచ్చారు. "ఆనాడు అసెంబ్లీ ఎన్నికల టైంలో కొత్తగూడెం నుండి కంటెస్ట్ చేయాలని నాకూ వుందీ ... మీకూ వుందీ ... మనందరికీ వుందీ ... అదే పద్దతిలో కష్ట పడి పని చేశారు.  కానీ , రాజకీయాల్లో కొన్ని అనుకోని సంఘటనలు అప్పుడప్పుడు వస్తుంటాయి. మనిషికే వస్తుంటాయి అవి. మనిషికి వచ్చినప్పుడు తప్పకుండా మనం ఆ సందర్భాలను కూడా ఎదుర్కొని , నడవ గలిగినప్పుడే రాజకీయాల్లో నిలదొక్కుకో గలుగుతాం. ఆ అసెంబ్లీ ఎన్నికల్లో మన కాంగ్రెస్ పార్టీ ఆదేశానుసారం , పొత్తుల్లో భాగంగా , ఆనాడు మన కొత్తగూడెం సీటును కూనంనేని సాంబశివ రావు గారికి ( సీపీఐ ) ఇవ్వడం జరిగింది. ఆ సందర్భంగా నేను కూడా నాలుగైదు ఎన్నికల మీటింగులకు వచ్చాను. మీరు కన్నీరు ... మున్నీరై , కాంగ్రెస్ పార్టీ గెలిచే సీటును మీరు కమ్యూనిష్టులకు ఇస్తున్నారు ... మా పరిస్థితి ఏంటని ... చాలా మంది ఆడ బిడ్డలు , ...
Read more